quinta-feira, 11 de junho de 2015

Se parla catalan e basco dins lo mètro de Tòquio

Los nautparladors d’una estacion percorreguda per d’estrangièrs difondon de messatges dins qualques lengas, dont las nòstras vesinas del sud



L’estacion de Shin Ōkubo (新大久保駅) es una de las mai centralas e mai percorregudas de la capitala de Japon, Tòquio. S’i anatz e fasètz atencion als nautparladors, entendretz parlar catalan: es un messatge brèu, que ditz: “Per la vòstra seguretat, mantenètz-vos del costat drech dels escalièrs e vos arrestetz pas, se vos plai”. Es lo meteis messatge que s’emet dins qualques autras lengas, dont tanben lo basco. 

Segon çò qu’explica lo blòg de la seccion de traductors de l’Assemblada Nacionala Catalana, aquel quartièr, conegut coma la Pichona Corèa, ten fòrça escòlas de lengas e, dins aquela estacion, se passejan fòrça estrangièrs que complisson pas las nòrmas abitualas. Una de las escòlas participèt a una campanha informativa de l’estacion per demandar als estrangièrs de respectar aquelas nòrmas, e una estudianta catalana o faguèt en catalan del temps qu’un escolan basco o faguèt dins sa lenga.




[Imatge: Josep Rodríguez - poblejat dins www.jornalet.com]

Sem comentários:

Enviar um comentário